एउटा कविता

राजनैतिक जिगलो (Political Gigolo)

भाई भाई नै काटाकाट
गरेरै भए पनि,
सत्ता नाम भएकी
सुन्दरी भोग गर्न,
राजनीतिज्ञ भेषधारी
जिगलोहरु सधैं
मरिहत्ते गर्दा रहेछन् ।

खै, थाहा भएन,
ती सुन्दरी नै
बैशले उन्मत्त भएर
डाक्तो हो की ? वा
सुन्दरीको कल्कलाउँदो
जवानी देखेर
जिगलोहरुले ¥याल काढेका ।

इतिहास देखि वर्तमानसम्म,
तिनै सुन्दरीलाई देखेर,
मै हुँ भन्ने ऋषिमुनिहरु
मैन झै पग्लिएको देख्दा,
आफैलाई शंका लाग्न थाल्यो,
सुन्दरीको नजिक पुग्दा,
मै पनि जिगलो बन्छु कि ?

—बटुकलाल तमाङ